“Манчестер Юнайтед” икки юлдузи билан музокарани тўхтатди! Сабаб маълум...

Жорий мавсум охирида “Манчестер Юнайтед”нинг 12 нафар футболчи билан ҳамкорлик шартномаси якунланади.

Клуб мутасаддилари бош мураббий Эрик тен Хагга керак бўлган ўйинчилар билан янги битим борасида музокара ўтказмоқда.

The Guardian нашрининг хабар беришича, мутасаддилари Маркус Рэшфорд ва Давид де Хеа билан музокараларни тўхтатди. Бунга Эрик тен Хагнинг келажакда жамоанинг бу ўйинчиларга эҳтиёжи ҳақида якуний қарорга келмагани сабаб бўлгани айтилмоқда.

Дарвозабон Давид де Хеа 2011 йилдан бери манчестерликлар шарафини ҳимоя қилиб келяпти. Маркус Рэшфорд эса клуб тарбияланувчиси ҳисобланади. Ҳар иккисининг ўйинида кейинги мавсумларда сезиларли пасайиш кузатилмоқда ва бу ҳолат ҳали барҳам топгани йўқ.