"Манчестер Юнайтед" Лукакуни салкам ярим миллион евро жаримага тортди

"Манчестер Юнайтед" раҳбарияти ва ҳужумчи Ромелу Лукаку ўртасидаги келишмовчиликлар ҳамон давом этмоқда.

Таъкидлаш керакки, бундан аввалроқ Лукаку МЮ клубига бойкот эълон қилгани ва янги мавсумга “Андерлехт” клубида тайёргарлик кўраётгани маълум бўлганди.

The Mirror нашри тарқатган хабарга кўра бу ҳолат “қизил иблислар” раҳбариятининг ғазабини келтирган ва улар бельгиялик футболчига нисбатан кескин чора кўриб, уни жаримага тортишга қарор қилишган. Гап 435 минг евро ҳақида кетмоқда.

Маълумот учун, Лукакунинг йиллик маоши 5,1 млн еврони ташкил этади.

Эслатиб ўтамиз, Лукаку фаолиятини Италияда давом эттирмоқчи. Унга эса “Интер” ва “Ювентус” клубларидан жиддий қизиқишлар мавжуд.