"Манчестер Юнайтед" парагвайлик дарвозабонни сотиб олмоқчи
«Манчестер Юнайтед» Парагвай терма жамоаси ва «Сан Лоренсо» дарвозабони Орландо Хилни ўз сафига қўшиб олишни режалаштираётгани хабар қилинмоқда. Бу ҳақда RTI Esporte нашри ёзди.
Маълумотларга кўра, «қизил шайтонлар» футболчини қўлга киритиш бўйича фаол ҳаракат бошлаган. Англия клуби скаутлари Хилнинг Жаҳон чемпионати–2026даги ўйинидан жиддий таассурот олгани айтилмоқда. Дарвозабоннинг «Сан Лоренсо» билан амалдаги шартномаси 2027 йил декабригача мўлжалланган. Transfermarkt портали футболчининг бозор қийматини 7,5 миллион евро атрофида баҳоламоқда.
Жорий мавсумда Орландо Хиль «Сан Лоренсо» таркибида 23 ўйинда майдонга тушди. Ушбу баҳсларда дарвозабон 19 гол ўтказиб юборган, 12 учрашувни эса дарвозасини дахлсиз сақлаган ҳолда якунлаган.
Фикрлар