"Манчестер Юнайтед" посбони жамоадан кетмоқчи

"Манчестер Юнайтед" дарвозабони Дин Хендерсон қишки трансфер ойнасида жамоани тарк этмоқчи. Бу ҳақда таниқли журналист ва инсайдер Фабрицио Романо ўзининг твиттер саҳифасида маълум қилди.

Гап шундаки, 24 ёшли посбон кўпроқ ўйин амалиётига эга бўлишни истайди. Бироқ унинг айнан қачон кетиши унга нисбатан бўладиган таклифларга боғлиқ.

Дин Хендерсон жорий мавсумда "Манчестер Юнайтед"нинг асосий жамоаси сафида бор йўғи иккита ўйин ўтказди - бири Чемпионлар лигасида ва яна биттаси Англия лига кубогида. У ушбу ўйинларда ўз дарвозасидан учта гол ўтказиб юборди.