“Манчестер Юнайтед” қимматбаҳо ўйинчи билан хайрлашади

“Манчестер Юнайтед” раҳбарияти ёзги трансферлар вақтида Антони бўйича таклифларни кўриб чиқишга тайёр эканини билдирди.

Манчестерликлар бразилиялик ҳужумкор футболчини 2022 йили ёзда “Аякс”дан ўта қиммат нарх – 95 миллион еврога харид қилган эди. Бироқ бу трансфер кутилган натижани бермади.

Goal.com сайтининг ёзишича, англияликлар Бразилия терма жамоаси ўйинчиси ўрнига “Кристал Пэлас” етакчиси Майкл Олисени олиб келмоқчи.

Шундай бўлса-да, Антонидан қутилиш осон бўлмайди. Чунки бу футболчининг шартномаси 2027 йилнинг ярмигача давом этиши белгиланган.