"Манчестер Юнайтед" "Реал Мадрид" ярим ҳимоячисига қизиқиш билдирди

Мадриднинг "Реал" жамоаси ярим ҳимоячиси Эдуарду Камавингага Англиянинг "Манчестер Юнайтед" клуби жиддий қизиқиш билдиргани хабар қилинмоқда. Бу ҳақда спорт журналисти Николо Скира ижтимоий тармоқда маълум қилди.

Унинг ёзишича, "Манчестер Юнайтед" "Реал" таркибидаги Камавинга билан қизиқмоқда ва франциялик футболчи энди мадридликлар учун мутлақо алмаштирилмас ўйинчи сифатида кўрилмаяпти.

2025/2026 йилги Испания Ла Лигаси мавсумида 23 ёшли Эдуарду Камавинга 29 ўйинда майдонга тушиб, бир бор гол урган. Чемпионлар Лигасида эса у 11 та баҳсда иштирок этиб, бир гол ва бир голли узатма муаллифи бўлди. Transfermarkt портали баҳосига кўра, футболчининг бозор қиймати 50 миллион еврони ташкил этади.