“Манчестер Юнайтед” ходимларни овқатсиз қолдирди

“Манчестер Юнайтед” раҳбарияти харажатларни қисқартириш мақсадида хизмат кўрсатадиган персонални тушлик билан таъминлашни тўхтатди. 

Британиянинг "Daily Mail" нашри маълумотига кўра, илгари клуб ходимларига ўйин куни сэндвич,  батон, чипс ва ичимликдан иборат таом пакети бериб келинган. Мавсумдаги биринчи ўйиндан кейин ходимларнинг аксарияти уларга тушлик берилмаганига норозилик билдирган. Айрим ҳолатларда ходимларга корпоратив мижозлардан ортган овқатлар берилган. 

Клуб мутасаддилари ходимларга таом бермаслик ҳақидаги қарорни, илгари бу овқатларнинг аксарияти ейилмай қолиб кетгани билан изоҳлади.