“Manchester Yunayted” yana bir transferga tayyor

“Manchester Yunayted” transfer bozori yopilguniga qadar “Portu” himoyachisi Aleks Tellesni sotib olishga harakat qiladigan bo‘ldi.

Portugaliyaliklar 27 yoshli braziliyalik futbolchini avvaliga 30 million funtga baholagan edi. Bu narx “Manchester Yunayted” kabi boshqa xaridorlarni qochirdi. Endi “Portu” rahbariyati Tellesni 18,5 million funtga qo‘yib yuborishga roziligini bildirdi.

Chunki, Tellesning o‘zi kelasi yili yakunlanadigan shartnomani imzolashdan bosh tortdi. Portugaliyaliklar esa, futbolchi erkin agent maqomini olishidan avval, uni kirgan narxiga pullab, mablag‘ ishlab olmoqchi.