“Манчестер Юнайтед” ёқмади, ёзда келган машҳур ҳужумчи тезроқ кетмоқчи!

“Манчестер Юнайтед” ёзги трансферлар вақтида ҳужум чизиғини кучайтириш учун катта қийинчиликлар эвазига нидерландиялик Жошуа Зиркзеени олиб келган эди.

“Болонья”да ўз маҳоратини намойиш қилган 23 ёшли Зиркзее манчестерликларнинг энг зўр тўпурарига айланиши кутилганди.

Амалда эса, ҳужумчи Англия футболига мослаша олмади. Зиркзее барча турнирларда 11 маротаба кўриниш берди ва атиги битта гол ура олди холос.

Calciomercato нашрининг маълум қилишича, бир неча ой аввал 42,5 миллион еврога трансфер қилинган бу футболчи тезроқ Италия чемпионатига қайтиб кетмоқчи. У клуб хўжайинларидан ўзини ижарага жўнатишни сўраган.

Зиркзее “Ювентус”га ўтишни мақсад қилган. Чунки айни пайтда туринликларни “Болонья”да ўзига устозлик қилган Тьяго Мотто бошқаряпти.