“Манчестер Юнайтед” зўр футболчи топди
“Манчестер Юнайтед” жамоа ўйинини янги ижрочилар эвазига кучайтиришни режалаштирмоқда. Клуб скаутлари жамоага мос келадиган ўйинчилар танлаш билан банди
Манчестерликларга керакли бўлган футболчилардан бири “Кристал Пэлас”дан топилди. Бу жамоанинг франциялик легионери Майкл Олисе тез орада Эрик тен Хаг қўл остига кўчиб ўтиши мумкин.
“Манчестер Юнайтед” мутасаддилари Олисенинг трансферини келаси ёзда амалга оширишга ҳаракат қилиб кўради.
Майкл бир неча ой муқаддам ҳозирги жамоаси билан тўрт йиллик янги битимга имзо чеккан. Унга кўра, франциялик футболчи 2024 йилнинг ёзида бошқа клубдан таклиф бўлган тақдирда трансфер қилиниши мумкинлиги белгилаб қўйилган.
22 ёшли ярим ҳимоячи жорий мавсумда Англия Премьер-лигасида тўққизта учрашувда қатнашиб, рақиблар дарвозасини беш маротаба ишғол қилди.
Фикрлар