“Манчестер Юнайтед”да иккита катта йўқотиш

“Манчестер Юнайтед” янги мавсум олдидан катта йўқотишга дуч келди. Ўртоқлик ўйинларида икки футболчи – ҳимоячи Лени Йоро ва ҳужумчи Расмус Хёйлунн жароҳат олиб, узоқ муддатга сафлан чиқди.

Daily Mail нашрининг ёзишича, 18 ёшли Лени Йоронинг чап оёқ суяги синган ва бу турдаги жароҳат битиши учун ўртача уч ой вақт керак бўлади. Қизиғи шундаки, манчестерликлар франциялик ҳимоячини янги мавсумда орқа чизиқдаги муаммоларни ёпиш учун қимматга сотиб олганди.

“Арсенал” билан ўтказилган ўртоқлик ўйинида Расмус Хёйлунн тизасини шикастлаб олган. Мутахассисларнинг таъкидлашича, ҳужумчи камида бир ярим ой лазаретда бўлади.

“Манчестер Юнайтед” янги чемпионатдаги юришини 16 август куни бошлайди. Англия Премьер-лигасини очиб берадиган бу баҳс “Фулхэм”га қарши “Олд Траффорд” стадионида ўтказилади.