“Манчестер Юнайтед”га ўтмайман!

“Манчестер Юнайтед” мутасаддилари ҳужум чизиғини кучайтира оладиган форвард қидирмоқда. Манчестерликлар Англия Премьер-лигасида ўйнаш тажрибасига эга Тимо Вернерга эътибор қаратганди.

Англиядаги муваффақиятсиз фаолиятидан кейин “Лейпциг”га кўчиб ўтган германиялик ҳужумчи манчестерликларнинг таклифини қабул қилмади.

“Лейпциг” раҳбарияти ҳам Англияга қайтишни истамаган ҳужумчини ўз сафида олиб қоладиган бўлди.

27 ёшли тўпурар Бундеслигадаги сермаҳсул фаолиятидан кейин 2020 йили “Челси”га кўчиб ўтган эди. Бироқ икки йил давомида Англия футболига мослага олмаган ўйинчи ўтган йили ёзда “Лейпциг”га қайтди.