"Манчестер Юнайтед"нинг янги бош мураббийи бу футболчини жамоадан хайдамоқчи

"Манчестер Юнайтед" бразилиялик ҳимоячи Алекс Теллес билан хайрлашмоқчи, деб хабар бермоқда The Mirror.

Манбага кўра, манкунианликлар бош мураббийи Эрик тен Хаг "қизил иблислар" билан шартномаси яна икки йилдан сўнг тугайдиган 29 ёшли бразилиялик футболчига жамоада ўрин йўқ деб ҳисоблайди. Трансфермаркт томонидан Теллес 18 миллион еврога баҳоланган.

Эслатиб ўтамиз, бундан аввалроқ МЮ ушбу позицияга "Фейеноорд"нинг чап қанот ҳимоячиси Тайрел Малазияни сотиб олиши маълум бўлганди.

Алекс Теллес ўтган мавсум "Манчестер Юнайтед" сафида жами 26 та ўйинда майдонга тушиб, 1 та гол ва 4 та голли узатмани амалга оширган.