Манчестерда катта ўзгариш: Нишонда етти футболчи

Англия Премьер-лигасидаги мавқеини тиклашга уринаётган “Манчестер Юнайтед” январь ойидаги қишки трансферлар даврида таркибини икки нафар кучли ярим ҳимоячи билан тўлдиришни мўлжалламоқда.

Европадаги нуфузли манбалардан talkSPORT нашрининг хабар беришича, манчестерликлар мақсадини амалга ошириш учун етти нафар футболчини нишонга олди.

“Юнайтед” скаутлари тавсияси билан тузилган рўйхатга қуйидаги чарм тўп усталари киритилди.

Конор Галлахер (“Атлетико” Мадрид)

Рубен Невеш (“Ал-Ҳилол”)

Карлос Балеба (“Брайтон”)

Эллиот Андерсон (“Ноттингем Форест”)

Адам Уортон (“Кристал Пэлас”)

Тайлер Адамс (“Борнмут”)

Ангело Штиллер (“Штутгарт”).

Шу билан бирга, Галлахер ёки Невеш билан шартнома имзолаш эҳтимоли юқори эканлиги таъкидланмоқда. Қолган беш нафар футболчи, катта эҳтимол билан, келаси ёзгача трансфер учун очиқ бўлмайди. Галлахер ҳам, Невеш ҳам АПЛга қайтишни истамоқда.