Manchesterliklar atigi 3 million evroga hujumchi oladi

Shvetsiyaning 16 yoshli iqtidorli hujumchisi Kevin Filling faoliyatini dunyoning eng murakkab va kuchli chempionati hisoblangan Angliya Premer-ligasida davom ettirish imkoniga bo‘ldi.

Ayni paytda AIK klubi safida o‘ynayotgan markaziy hujumchi “Manchester Yunayted” skautlari nishoniga tushgan.

Kevin Filling AIK akademiyasidan etishib chiqqan yangi avlod hujumchisi hisoblanadi.  Bu vunderkind yozda asosiy jamoaga o‘tkazildi. AIK safida hozirgacha o‘nta uchrashuvda maydonga tushib, o‘z hisobiga uchta gol va bitta assist rasmiylashtirib qo‘ygan.

Taniqli insayder Florian Plettenbergning xabar berishicha, “Manchester Yunayted” shved forvardi uchun 3 million evro miqdorida badal puli to‘lashga tayyor. Bu savdoga Bundesliganing bir necha grandlari ham qo‘shilishga shay turibdi.

AIK klubi rahbariyati akademiyadan asosiy jamoaga o‘tgan futbolchi bilan 2028 yilning 30 iyunigacha davom etadigan shartnoma tuzgan. 16 yoshli hujumchi o‘zining jismoniy ko‘rsatkichlari bilan ajralib turadi. Hali tabiiy o‘sishdan to‘xtamagan o‘smirning ayni paytdagi bo‘yicha 186 santimetrni tashkil etmoqda.