Манчестерликлар бош мураббийликка тўртта номзод танлади
Ҳозирдан ҳаракат қилган маъқул
“Манчестер Юнайтед” бош мураббий Майкл Кэррик ўрнига камида тўрт нафар мутахассис номзодини кўриб чиқмоқда.
Жамоа кетма-кет бешта учрашувда ғалаба қозона олмаганига қарамай, Кэррик ҳозирча клуб раҳбариятининг ишончини сақлаб турибди. Раҳбарият Майкл натижаларни яхшилашига умид қилмоқда.
Бироқ вазият тез ўзгариши мумкин. Агар футболчилар мураббий кўрсатмаларини бажармай қўйгани аён бўлса, “Манчестер Юнайтед” каби йирик клуб бундай ҳолатга тайёргарликсиз қолмаслиги керак.
Италия матбуоти “Юнайтед”ни Антонио Конте билан боғлашда давом этмоқда. Бироқ журналист Фабрицио Романо ўзининг YouTube каналида италиялик мураббий манчестерликлар билан келишувга эришгани ҳақидаги хабарларни рад этди.
Конте билан бир қаторда “Юнайтед” мутасаддилари “Брайтон” бош мураббийи Фабиан Ҳюрцелер, шунингдек, ўтган ёзда “Ньюкасл” ва Германия терма жамоасини тарк этган Эдди Хау ҳамда Юлиан Нагельсманн номзодларини ҳам кўриб чиқмоқда.
Романо клуб ичида бошқа мутахассисларнинг номлари ҳам тилга олинаётганини қўшимча қилди. Бироқ “Юнайтед” ҳозирча ҳеч ким билан музокара бошламаган, чунки раҳбарият Кэррикка вазиятни ўнглаш учун муҳлат берган.
Изоҳлар (0)