Манчестерликлар "Реал" ҳужумчиси учун 70 миллион евро беради

«Манчестер Юнайтед» қишки трансфер ойнаси учун асосий мақсад сифатида мадридлик «Реал» ҳужумчиси Эндрикни белгилади, деб хабар бермоқда Fichajes нашри ўз манбасига таяниб.

Манба маълумотига кўра, инглиз клуби 20 ёшли бразилиялик футболчи учун 60–70 миллион евро атрофида таклиф беришга тайёр. Эндрикни жамоага олиб келиш ташаббуси шахсан «Манчестер Юнайтед» бош мураббийи Майкл Кэррикдан келган. У ёш ҳужумчини ҳам марказий форвард, ҳам ўнг қанотда қўллашни режалаштирмоқда.

«Манчестер Юнайтед» раҳбарияти Эндрикни Беньямин Шешко билан бирга ҳужум чизиғидаги ротациянинг муҳим қисмига айлантиришни кўзламоқда. Бразилиялик футболчини сотиб олишдан олдин клуб таркиб ва маош фондида жой очиш мақсадида Жошуа Зиркзени сотишни режалаштирган.

Ҳозирги пайтда «Реал»даги ҳужумчилар иерархиясида Эндрик Килиан Мбаппе ва Карлос Эспидан сўнг учинчи танлов сифатида кўрилмоқда. Мадрид клубига қўшилганидан бери у 40 расмий ўйинда 7 та гол урган. Ўтган мавсумнинг иккинчи ярмини форвард «Лион» сафида ижара асосида ўтказди ва 21 учрашувда 8 та гол ҳамда 8 та голли узатма билан ажралиб турди.

Эндрикнинг «Реал» билан амалдаги шартномаси 2030 йил июнигача мўлжалланган. Мадрид клуби молиявий талаблари қондирилса, футболчини тўлиқ сотиш вариантларини кўриб чиқишга тайёр. Клублар ўртасидаги илк расмий музокаралар ноябрь ойида бошланиши кутилмоқда.