Manchesterliklarning qimmat o‘yinchisi murabbiy tufayli ketib qolmoqchi

“Manchester Yunayted”ning hujumkor futbolchisi Antoni faoliyatini boshqa klubda davom ettirishga tayyorligini bildirdi.

Braziliyalik legionerga Erik ten Xag unga boshlang‘ich tarkibdan joy bermayotgani yoqmayapti. The Sun Football nashrining yozishicha, Antoni hozirgi holatdan norozi va ijaraga bo‘lsa-da, tezroq boshqa klubga ko‘chib o‘tishni istayapti.

Manchesterliklar bu futbolchini 2022 yili “Ayaks”dan 95 million evroga xarid qilgan edi. Biroq bu transfer o‘zini oqlamadi.

24 yoshli o‘yinchining narxi bir necha baravar arzonlab, ayni paytda 25 million evroni tashkil qilmoqda.  Antonining amaldagi shartnomasi 2027 yilning yarmigacha davom etadi.