Мане жароҳати сабаб ПСЖга қарши сафардаги ўйинни ўтказиб юборади

"Бавария" ҳужумчиси Садио Мане ПСЖга қарши Чемпионлар лигасининг нимчорак финали биринчи ўйинида иштирок этмайди. Мюнхенликлар бош мураббийи Юлиан Нагелсманн сенегаллик футболчининг 14 февраль куни бўлиб ўтадиган "Парк де Пренс"даги баҳс учун тикланишга улгурмаслигини маълум қилди.

Мане Германия кубоги доирасида "Вердер"га қарши ўйинда тиззасидан жароҳат олган эди. Шу сабабли, ҳужумчи Сенегал терма жамоаси билан жаҳон чемпионатида ҳам иштирок эта олмади.

Эслатиб ўтамиз, 30 ёшли ҳужумчи жорий мавсум бошида "Ливерпуль"дан 50 миллион евро эвазига Мюнхен клуби сафига келиб қўшилганди.