Мане: "Ливерпуль" афсонаси бўлмоқчиман

"Ливерпуль" клубининг сенегаллик ҳужумчиси Садио Мане мерсисайдликлар сафида яна узоқ йиллар ўйнашига умид қилмоқда.

“Мен “Ливерпул”нинг ва бутун премьер-лиганинг афсонаси бўлмоқчиман. Жамоам билан соврин ютиш учун қўлимдан келганча ҳаракат қиламан. Мен “Ливерпул”да ўйнаётганимдан хурсандман. Бу ерда ўтаётган ҳар бир куним менга ёқади”, - дейди Мане.

Эслатиб ўтамиз, бундан аввалроқ Манега “Реал” Мадриддан жиддий қизиқишлар бўлаётгани ҳақида хабарлар тарқалган эди.

Маълумот учун, Мане жорий мавсум “Ливерпуль” сафида жами 43та ўйинда майдонга тушди ва ўз ҳисобига 22та гол ҳамда 4та голли узатма ёздириб қўйишга эришди.