Mane: "Raqobatlashish haqida hatto tasavvur ham qilib ko‘rmayman"

"Bavariya" futbolchisi Sadio Mane kecha Afrikaning eng yaxshi futbolchisi, deb topildi. U bu sovrin yo‘lida sobiq jamoadoshi Muhammad Salohni ortda qoldirdi. Mukofotni qo‘lga kiritgan Sadio misrlik Saloh haqida ham gapirib o‘tdi.

"Ba’zida odamlar men va Muhammad o‘rtasida raqobat borligini ta’kidlaydi. Ammo ochig‘i, men kim bilandir raqobatlashish haqida hatto tasavvur ham qilib ko‘rmayman. 

Bizning o‘zaro munosabatlarimiz ajoyib. Ijtimoiy tarmoqlar orqali tez-tez gaplashib turamiz. 

Menimcha, media olamidagi shaxslar ko‘proq intriga yaratish maqsadida shunday noto‘g‘ri xabarlarni o‘ylab topadi. O‘ylaymanki, ko‘pchilik mening nafaqat Saloh bilan, balki birga o‘ynagan barcha sheriklarim bilan yaxshi aloqada ekanimizni biladi", - dedi senegallik hujumchi.