Мануэль Пеллегрини: Агар VAR бўлганида МЮни мағлубиятга учратган бўлардик

"Вест Хэм" клуби бош мураббийи Мануэль Пеллегрини кеча АПЛнинг 34-туридан ўрин олган МЮга қарши баҳсда учралган мағлубиятда ҳакамларни айблади.

“Бугунги ўйинда биз ғалаба қозонишимиз керак эди деб ҳисоблайман. Биз яхши ўйнадик, бироқ уч очко қўлга кирита олмадик. Мен ҳакамларга шикоят қилмоқчи эмасма, чунки уларнинг иши жуда қийин. Лекин, Мата билан боғлиқ вазиятда пенальти йўқ эди, қолаверса, бизнинг ҳисобга олинмаган голимизда эса ҳеч қандай офсайд бўлмаганди. Бундан ташқари МЮ иккинчи голини офсайддан киритди. Агар бугун VAR бўлганида биз ғалаба қозонган бўлардик”, - дейди “болғачилар” устози.