Мареска "Сити"нинг яна бир "қуроли" пайдо бўлганини айтди

«Манчестер Сити» бош мураббийи Энцо Мареска Чемпионлар лигасида «АЕК»га қарши ўйиндан сўнг жамоа ҳужумчиси Фил Фоденнинг ўйинига баҳо берди.

«Шаҳарликлар» умумий босқичнинг учинчи турида юнон клубини 5:1 ҳисобида мағлуб этди. Учрашув қаҳрамонига айланган Фоден беллашув давомида хет-трик қайд этди.

«У ўзини жуда яхши томондан кўрсатяпти, бу эса бизга айнан ҳозир керак бўлган нарса — бир қатор сабабларга кўра. Энг аввало, у юқори даражадаги футболчи. 

Мен ундан хурсандман, лекин шу билан бирга бутун жамоа учун ҳам шодман: энди бизда яна бир қўшимча “қурол” бор, ундан фойдаланишимиз мумкин», — деди Мареска TNT Sports эфирида.

«Манчестер Сити» ҳозирча Чемпионлар лигаси умумий жадвалида олтинчи поғонада, жамоа ҳисобида олти очко бор. Кейинги турда Мареска шогирдлари 4 ноябрь куни «РБ Лейпциг»га қарши майдонга тушади.