Мареска: "У жамоага ёрдам беради"

"Челси" Конференциялар лигаси доирасида "Хайденхайм" клуби устидан 2:0 ҳисобида ғалаба қозонди. Учрашувдаги голларни Мудрик ва Нкунку ўз ҳисобларига ёздириб қўйди.

Беллашувдан сўнг "аристократлар" бош мураббийи Энцо Мареска Нкункунинг клубдаги келажагини ҳақида гапирди.

- Мен Кристофер билан бир неча кун олдин гаплашдим. Суҳбат давомида у фақатгина кўпроқ дақиқалар хоҳлашини айтди. Шунинг учун футболчи январда ҳеч қайси клубга сотилмайди. У биз билан қолиб муваффақиятга эришишимизга ёрдам беради - дея таъриф бериб ўтди италиялик мутахассис.

Эслатиб ўтамиз, франциялик вингер бу мавсум "Челси" сафида 19 та ўйинда майдонга тушиб, 11 та гол ва 1 та голли узатмага муаллифлик қилди. Унинг Трансфермарктdagi нархи 65 миллион евро деб баҳоланмоқда.