Марио Гётце Голландия гранди билан шартнома имзолади

Германия терма жамоаси ярим ҳимоячиси Марио Гётце фаолиятини Голландия чемпионатида давом эттирадиган бўлди.

Эркин агент ҳисобланган 28 ёшли футболчи ПСВ билан шартнома имзолади. Ҳозирча томонлар ўртасидаги келишув шартлари ошкор этилмаяпти.

Гётце сўнгги мавсумни “Боруссия” Дортмунд сафида ўтказди. У Германия терма жамоаси сафида ЖЧ-2014 да ғолиб бўлган.