Марказий ўйинда ғалаба қозонган "Атлетико" якка пешқадамга айланиб олди

Испания Ла Лигаси 14-туридан ўрин олган "Реал Сосьедад" - "Атлетико" учрашуви ўз якунига етди. Унда меҳмонлар 2:0 ҳисобида ғалаба қозонди.

Дастлаб, Каррасконинг стандарт вазиятдан етказиб берган тўпини Марио Эрмосо дарвозага тўғрилаб юборди. Иккинчи гол 74-дақиқада Маркос Льоренто томонидан киритилди. Яна Каррасконинг узатмаси ва Льоренте кучли зарба билан ҳимобни ишончли кўринишга келтирди.

Меҳмонда муҳим ғалабани қўлга киритган "Атлетико" очколари сонини 32 тага етказди ва турнир жадвалида пешқадамлигини мустаҳкамлади. Энди Симеоне шогирдлари иккинчи ўриндаги "Реал"дан 3 очкога олдинда бормоқда. Ўз уйида рақибга имкониятни бой берган сан-себастьянликлар очколари 26 талигича қолди ва улар онлайн жадвалда 3-ўринни банд этиб турибди.

• 90+3'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+2'

  Майдон эгаларининг охирги имкониятларидан бири ҳам бесамар якунланди. Стандартдан жарима майдонига оширилган тўпни мадридликлар узоқлаштирди.

• 90'
  

  Ўйиннинг асосий вақтига 3 дақиқа қўшиб берилди.

• 89'

  Сўнгги дақиқаларни мезбонлар олдинги чизиқда ўтказмоқда. Аммо аниқ зарбадан дарак йўқ.

• 87'
  

  Суарес ҳамда Карраско ўрнига Лоди ва Коста майдонга тушди.

• 85'

  Александр Исак ҳужумда фол ишлатди. Ҳакам тўпни мадридликларга қайтариб берди.

• 83'
  

  Майдон эгалари бурчак тўпидан унумли фойдалана олмади.

• 82'
  

  Стандарт вазиятдан берилган ноқулай зарбани Облак қайтарди.

• 80'
  

  Рақибига нисбатан қоида бузгани учун Элустондо жазоланди.

• 78'

  Меҳмонлар майдон марказида тўп назоратини эгаллаб турибди.

• 75'

  Меҳмонлар сафида Порту ҳамда Горозабель захирага олинди. Улар ўрнига ўйинни Баутиста, Элустондо давом эттиради.

• 74'
  

  ГОООООООООООЛЛЛЛЛЛЛЛ! "Атлетико" ҳисобдаги фарқни оширди!

  Жарима майдони чизиғидан кучли зарба берган Льоренте дарвозани ишғол этди.

• 71'
  

  Кондогбия майдонда ҳаракат қилган Тома Лемарни алмаштирди.

• 69'

  Каррасконинг тўпни тўхтатишдаги техник хатоси жамоасининг ҳужуми барбод бўлишига олиб келди.

• 67'
  

  Иккинчи қаватдаги курашда рақибига нисбатан қўпол ўйнаган Сауль огоҳлантирилди.

• 66'
  

  Виллиан Жозе ўрнига Александр Исак ўйинга қўшилди.

• 64'

  Сан-себастьянликларнинг навбатдаги ҳужуми ҳам бесамар якунланди.

• 61'

  "Реал Сосьедад" аста-секинлик билан бутунлай назоратга эришиш учун ҳаракат қилмоқда. Мадридликлар бўш келаётгани йўқ.

• 59'
  

  Анхель Корреа ўз ўрнини Сауль Ньигесга бўшатиб берди.

• 57'

  Тўп назорати бўйича устунлик майдон эгалари томонга ўтмоқда. Улар ҳисобни тенглаштириш учун ҳаракат қиляпти.

• 54'
  

  Майдоннинг катта қисмини тезликда босиб ўтган Карраско жарима майдони ичидан зарба берди. Дарвозабон уни ушлаб олди.

• 52'

  Маркос Льорентенинг бош билан йўллаган зарбасига аниқлик етишмади.

• 51'

  Ҳисобда олдинга ўтиб олган мадридликлар фаолликни давом эттирмоқда.

• 49'
  

  ГООООООООООЛЛЛЛЛЛЛ! "Атлетико" ҳисобни очди!

  Жарима майдонига оширилган тўпни Эрмосо боши билан дарвозага жойлаб қўйди.

• 48'

  Суаресга нисбатан ишлатилган қўполлик учун меҳмонлар яхши стандартга эга бўлди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз.

• 45+1'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 44'

  Савич рақиб жарима майдони ичида қоида бузди. Ҳакам ўйинни тўхтатди.

• 42'

  Симеоне шогирдлари рақиб жарима майдони бўйлаб майда узатмалар амалга оширган ҳолда, рақиб ҳимоя чизиғидаги бўш ҳудудларни изламоқда.

• 40'

  Мерино шеригини қулай позицияга чиқарганди. Аммо Барренечеа тўпга ета олмади.

• 38'

  Лемар узатган тўп Суаресгача етиб бормади. Ҳимоячилар тўпни қайтарди.

• 36'

  Тезкор қарши ҳужумга ўтган Порту шеригини тўп билан таъминлай олмади. Фелипе хавфни бартараф этди.

• 33'

  Мадридликлар тўпни назорат қиляпти.

• 31'

  Жарима майдонига етказиб берилаётган барча тўпларни "Сосьедад" ҳимоячилари узоқлаштирмоқда. "Атлетико" дастлабки ярим соатни зарбасиз ўтказди.

• 29'
  

  Лемарга нисбатан қоида бузган Ле Норман жазоланди.

• 28'

  Микель Меринонинг узоқ масофадан берган зарбасига аниқлик етишмади.

• 27'

  "Матрасчилар" қисқа муддатга ташаббусни ўз қўлларига олди. Бироқ яратилган вазиятлар аниқ зарбага қадар етиб бормади.

• 25'
  

  Тома Лемарнинг кучли зарбасини ҳимоячилар бош билан қайтариб юборди. "Атлетико"да яна бир бурчак тўпи.

• 22'

  Микель Меринонинг бош билан йўллаган зарбаси ноаниқ кетди.

• 21'

  Коке рақибига қарши бироз қалтис ҳаракат қилди. Бироқ ҳакам оғзаки огоҳлантириш билан чекланди.

• 19'

  Жарима майдонига ёриб кирган Сильва шерикларига пас берди. Тўп йўлига ҳимоячилар блок қўйишга муваффақ бўлди.

• 16'
  

  Стефан Савич огоҳлантирилди.

• 14'

  Барранечеа жамоадошини узоқ масофага югуришга мажбур қилди. Бироқ ҳимоячи илдамроқ ҳаракат қилиб, тўпни узоқлаштирди.

• 12'

  Тўп назорати майдон эгалари томонда. Мадридликлар қарши ҳужумларга таянмоқда.

• 9'

  Сан-себастьянликларнинг ҳужуми Виллиан Хосенинг омадсиз ҳаракат туфайли барбод бўлди.

• 6'

  Триппьернинг жарима майдонига оширган тўпини ҳимоячилар майдон ташқарисига чиқариб юборди.

• 4'

  Кокенинг шериги томон узатган тўпи мўлжалга аниқ бормади.

• 3'

  Ўйинни мадридликлар фаолроқ бошлади.

• 1'

  Учрашув бошланди!

• 0'

  Футболчилар майдонга тушиб келди. Ўйин тез орада бошланади!