Маркиньос: «Умид қиламанки, "Олтин тўп"ни ПСЖ ўйинчиси қўлга киритади»

«ПСЖ» жамоаси капитани Маркиньос яқинлашиб келаётган «Олтин тўп» тақдимот маросими ҳақида фикр билдирди.

«Умид қиламанки, бу мукофотни «ПСЖ» футболчисидан бири қўлга киритади! Биз жуда кучли мавсум ўтказдик, таркибимизда бу совринга муносиб бир неча ўйинчи борлигини биламиз. Жуда катта натижаларга эришдик. Албатта, бу шахсий мукофот, лекин барибир жамоа манфаати ҳаммасидан устун», — дея Маркиньоснинг сўзларини парижликлар матбуот хизмати келтиради.

Аввалроқ «Олтин тўп» учун 30 номзоддан иборат рўйхат эълон қилинган эди. Унга бир вақтнинг ўзида «Пари Сен-Жермен»нинг ўн нафар футболчиси киритилди.

Эслатиб ўтамиз, ўтган йили «Олтин тўп»ни парижликлар ҳужумчиси Усман Дембеле қўлга киритган эди. 9 сентябрь куни Луис Энрике шогирдлари Чемпионлар лигаси гуруҳ босқичининг биринчи турида «Слован» жамоасини қабул қилади.