"Марсель" ўз майдонида "Аталанта" билан дурангга имзо чекди (видео)

УЕФА Европа лигасининг ярим финал дастлабки учрашувида “Марсель” ўз майдонида “Аталанта”га қарши баҳс олиб борди.

“Велодром”даги ўйинда ҳисобни меҳмонлар ҳужумчиси Жанлукка Скамакка 11-дақиқадаёқ очди. Аммо орадан 10 дақиқа ҳам ўтмасдан мезбонлар ҳисобни тенглаштиришди. Голга Шансель Мбемба-Мангулу муаллифлик қилди. Ушбу 1:1 ҳисоби ўйин якунига қадар ўзгармади.

Энди финал масаласи 10 май куни Италияда бўладиган жавоб баҳсида аниқланади.

Қуйида “Марсель” – “Аталанта” баҳсининг қисқача видеошарҳини томоша қилишингиз мумкин: