Martinelli Dyokeresh haqida: "U dunyodagi eng yaxshi hujumchilardan biri"

"Arsenal" vingeri Gabriel Martinelli yozda jamoaga qo‘shilgan Viktor Dyokeresh haqida fikr bildirdi.

"Jamoa Viktorga ishonadi. Biz uning kuchli jihatlarini yaxshi bilamiz – u dunyodagi eng yaxshi markaziy hujumchilardan biri. Unga ishonch berishimiz kerak, shunda u ko‘proq gol uradi. Biz unga imkoniyat yaratib berishga harakat qilamiz. Har mavsumda 30-40 ta gol urishini xohlaymiz", – dedi Martinelli "The Standard" nashriga.

Eslatib o‘tamiz, Dyokeresh APLda ketma-ket besh o‘yindan beri gol urolmayapti. Ammo mavsum boshidan beri u olti o‘yinda maydonga tushib, uch marta raqib darvozasini ishg‘ol etgan.