"Машъал" "Бухоро"ни қийинчилик билан таслим этди

Ўзбекистон Coca Cola Суперлигаси 12-туридан ўрин олган сўнгги учрашув "Машъал" ва "Бухоро" жамоалари ўртасида кечди. Унда муборакликлар минимал ҳисобда ғалабага эришди. 

Шу тариқа, "Машъал" ҳисобидаги очколар сони 16 тага етди ва жамоа 8-поғонада бормоқда. 

• 90'
  

  Учрашув якунланди! Матнли трансляцияни Абдулвосид Валихонов олиб борди.

• 90+'
  

  Зафарбек Акромов Ҳумоюн Муртозоев ўрнини тўлдирди.

• 90+'

  Яна бир жарима зарбасидан сўнг бухороликлар футболчиси бош билан зарба берди. Тўп дарвоза тўсини устидан ўтиб кетди.

• 90+'

  Жарима зарбаси жонли деворга тегиб қайтди.

• 90+'
  

  Учрашув асосий вақтига 4 дақиқа қўшиб берилди.

• 90'
  

  Нормуродов сариқ карточка ишлаб олди. Жамоаси дарвозаси эса хавфли жарима зарбаси олдида қолиб кетди.

• 88'

  "Машъал"нинг бугунги учрашувдаги энг яхши футболчиси Раҳимжон Давронов! У яна бир вазиятда зарба берилишига йўл қўймади. 

• 86'

  Ҳимоячилар томонидан олд чизиққа етказиб берилган тўпга Давронов ўз вақтида чиқиб, ушлаб олди

• 85'

  Абдуллаевнинг бош билан берган зарбаси ноаниқ кетди.

• 81'
  

  Сардор Абдураимов ўрнига Денис Васильев учрашувни якунлаб қўяди.

• 80'
  

  "Бухоро" футболчисининг жаримадан тепган тўпини Давронов қайтаришга эришди.

• 79'
  

  Анвар Жўраев ўрнига Бобур Фарҳодов, Жасур Ҳасанов ўрнига Зоҳир Пиримов майдонга тушди.

• 77'
  

  Жаҳонгир Абдусаломов Элла ўрнига майдонга тушди.

• 76'
  

  Ҳакимовнинг бош билан берган зарбасини Раҳимжон Давронов супер сейв намойиш этиб, қайтарди.

• 74'

  "Машъал" жамоавий тарзда ҳимояланмоқда.

• 72'

  Давронов жарима майдончасига узатилган тўпни ушлаб олди.

• 69'

  Павленка жуда қулай имкониятни бой берди.

• 68'

  Ўнг қанотдан Ҳасановнинг узатган тўпи анча юқоридан ўтиб кетди.

• 66'
  

  Азизбек Омонов ўрнига Бешимов майдонга тушди.

• 65'
  

  Сирожиддин Раҳматуллаев огоҳлантирилди.

• 65'
  

  Солибек Каримовга сариқ карточка кўрсатилди.

• 61'
  

  Беҳруз Саъдиллоев ўрнига Иззатилла Абдуллаев майдонга тушди.

• 61'
  

  Сафоев рақибнинг узоқ масофадан амалга оширган жарима зарбасини қайтарди.

• 59'

  Павленкага тиббий ёрдам кўрсатилди.

• 59'
  

  Бекзод Саидов огоҳлантирилди.

• 57'

  Абдураимов ўзи олдинга ташлаб олган тўпга ета олмади.

• 56'

  Азизбек Омонов 30 метрлар масофадан жарима зарбаси амалга оширди. Тўп дарвоза тўсини устидан ўтиб кетди.

• 55'

  Чап қанотдан узатилган тўп "Машъал" ҳимоячилари томонидан қайтарилди.

• 54'

  Муборакликлар рақибни жарима майдони ичига қамаб қўйди.

• 52'

  Азизбек Омоновнинг зарбаси ҳимоячиларга тегиб майдонни тарк этди.

• 50'
  

  Зафар Сафоев рақибнинг узоқдан берган зарбасини қайтариб қолди.

• 49'

  "Машъал"нинг тезкор қарши ҳужуми Муртазоевнинг зарбаси билан якунланди. Унинг зарбаси йўлини ҳимоячилар тўсди. Элладан супер рейд ва пас.

• 47'

  "Машъал"нинг илк ҳужумини ҳимоячилар бартараф эта олишди.

• 46'
  

  Иккинчи тайм бошланди.

• 45'
  

  Танаффус!

• 45+'
  

  Биринчи таймга 1 дақиқа қўшиб берилди.

• 43'

  "Бухоро"нинг қарши ҳужуми ноаниқ пас сабаб барбод бўлди.

• 42'

  Тайм якунида ҳисобда олдинда бораётган "Машъал" футболчилари ташаббусни ўз қўлига олди.

• 40'

  Муртазоевнинг бош билан жуда яқин масофадан берган зарбаси ноаниқ кетди.

• 39'

  Павленканинг жаримадан берган зарбаси жонли деворга бориб тегди.

• 39'
  

  Омонов сариқ карточка ишлаб олди.

• 37'
  

  Павленка ноаниқ зарба йўллади. Унда офсайд ҳам бўлган экан.

• 36'

  "Машъал" орқа чизиқда тўпни назорат қилмоқда.

• 34'
  

  Нормуродов тиббий ёрдам олмоқда.

• 32'

  Ҳакимов тўпни ўзига ажойиб тарзда бўйсундириб олганди, аммо Раҳматуллаев ҳимояда ишончли ҳаракат қилди.

• 31'

  Раҳимжон Давронов жарима зарбасига ўз вақтида чиқиб келди ва тўпни ушлаб олди.

• 30'

  Қарши ҳужум Элланинг супер узатмаси ва Павленканинг зарбаси билан якунланди. Хавфли ва бироз ноаниқ чиқди.

• 29'

  Муборакликлар ҳимоячиси "Бухоро" ҳужумчисига зарба бериш имконини бермади. Ўз вақтида ташланиб тўпни олиб қўйди.

• 28'

  "Машъал" футболчисини Бобуржон Омонов ўтказмади. Кейинги ҳаракат анчагина хавфли зарба билан якунланиши аниқ эди.

• 25'
  

  ГОООООООООООООООООЛЛЛЛЛЛЛЛЛ!!! "Машъал" ўз вазиятидан фойдаланиб кетди. Сардор Абдураимов иккита футболчини чалғитиб дарвозага зарба йўллади. Зафар Сафоев ожиз қолди.

• 24'

  Муртазоев ажойиб вазиятдан дарвозага зарба йўллай олмади. Яққол голли вазият "Машъал" томонидан юзага келтирилди. Сафоев тўпни уларга тақдим қилди.

• 22'

  Омоновнинг узатмасини яна ҳимоячилар бартараф этди.

• 21'

  Муборакликларнинг яна бир ҳужуми рақиб ярим майдонига ўтиши билан тўхтатиб қолинди.

• 20'

  Ҳакимов жарима майдони ичида тўпни қабул қилиб олиб, марказ томон оширди. Шериклар йўқ эди.

• 19'

  Давронов тўпга ўз вақтида чиқиб келиб, рақиб ҳужумини бартараф этди.

• 17'

  "Бухоро" ҳимояда ҳозирча тартибли футбол кўрсатмоқда.

• 15'

  Азизбек Омонов ҳужумда тўпни қўли билан ўйнади.

• 14'

  Сафоев сал бўлмаса ўз дарвозасига гол олиб келиши мумкин эди.

• 13'

  Азизбек Омоновнинг жарима майдонига узатган тўпини шериклар дарвозага аниқ йўллай олмади. Хавфли ҳужум бўлганди.

• 11'

  Амоновнинг чапроқдан берган зарбаси ноаниқ кетди.

• 10'

  Муборакликлар ҳужумга ўтишга қийналмоқда.

• 8'

  Яна бухороликлар яхши вазият яратишлари мумкин эди. Аммо узатилган тўпни "Машъал" футболчиси ўз вақтида қайтариб юборишга эришди.

• 6'

  Ҳакимовнинг чалқанча услубда берган зарбаси бироз ноаниқ бўлди.

• 5'

  Бухоро футболчиси жаримадан узатилган тўпни қабул қилиш жараёнида йиқилди. Аммо ҳакам у ўрнидан туриши кераклигини маълум қилди.

• 2'

  "Машъал" ўйинни фаол бошлади.

• 1'
  

  Ўйин бошланди!

• 0'

  Барча нарса бугунги баҳс учун тайёр.

• 0'

  Жамоалар Суперлига расмий мадҳияси садолари остида майдонга тушиб келишди.

• 0'

  Ассалому алайкум, қадрли Суперлига мухлислари. Бугун 12-тур беллашувлари якунига етади.