Машҳур футболчи “Барселона”ни бошқармоқчи

“Барселона” тарихида чуқур из қолдирган Хави Эрнандес ҳозир бош мураббий сифатида жамоани муваффақиятли бошқариб бормоқда. Бу мутахассис қўл остида каталонияликлар яна совринлар учун курашадиган қудратга эга бўлди.

Бироқ, бош мураббийлик лавозими учун Хави билан рақобатлашадиган яна бир машҳур футболчи чиқди.

Испаниялик футбол юлдузи Сеск Фабрегас келажакда мураббийлик қилмоқчи эканини таъкидлади.

- Мураббийлик сир-асрорларини ўрганиш имконим бор. Қайси клубни шуғуллантиришни истайман?

Агар сиз “Барселона” учун ўйнаган бўлсангиз, айнан мана шу жамоани бошқаришни орзу қиласиз. Лекин бунинг учун жуда кўп меҳнат қилишим керак. Чунки бу жуда катта масъулият, - деди Сеск Фабрегас.

35 ёшли футболчи бу мавсумдан бошлаб, Италия Б Сериясида “Комо” жамоаси шарафини ҳимоя қилмоқда.

Фабрегас “Барселона” ва “Арсенал” жамоалари тарбияланувчиси ҳисобланади ва фаолияти давомида “Челси” ҳамда “Монако”да ҳам тўп тепган.