Машҳур футболчи учун мавсум тугади

Англия премьер-лигасининг ўртамиёна клублари даражасига тушиб қолган “Ноттингем Форест”нинг машғур футболчиси Каллум Хадсон-Одои мушак жароҳати сабабли жорий мавсумда бошқа ўйинларда иштирок этмайди.

Тажрибали чарм тўп устаси ушбу жароҳатни ўтган ҳафта “Порту”га қарши Европа лигаси чорак финали жавоб учрашувида (1:0) захирадан майдонга тушганидан кейин орттириб олган эди.

The Athletic нашри маълумотига кўра, Хадсон-Одои энди “ўрмончилар”га Премьер-лигада қолиш учун курашда ҳам, “Астон Вилла”га қарши Европа лигаси ярим финалида ҳам ёрдам бера олмайди.

“Порту”га қарши учрашув ҳужумкор футболчи учун жорий мавсумда барча мусобақаларни ҳисобга олганда 43-ўйин бўлди. 25 ёшли англиялик юлдуз ушбу ўйинларда олтита гол урган.