Машҳур футболчимиз фаолиятини тиклайдиган бўлди

“Локомотив” клубининг собиқ ҳимоячиси Виталий Денисов ўзининг профессионал футболчи сифатида майдонга қайтиш эҳтимоли ҳақида фикр билдирди.

“Футболчи сифатида фаолиятимни қайта тиклаш вариантни инкор этмайман. Балки яна расмий ўйинда захирадан майдонга тушиш имкони чиқар. Жамоага зарар қилмасдим, деб ўйлайман. Футболчига хос иштиёқ ҳали ҳам бор”, — деди 39 ёшли Денисов Metaratings.ru нашрига берган интервьюсида.

Виталий Денисов Россия чемпионатида ЦСКА, “Локомотив”, “Крылья Советов”, “Рубин”, “Ротор”, “Томь”, “Балтика” ҳамда Нижний Новгороднинг “Спартак” жамоалари шарафини ҳимоя қилган. “Локомотив” таркибида Ўзбекистон терма жамоасининг собиқ аъзоси Россия чемпиони бўлган, шунингдек, мамлакат кубогини икки марта қўлга киритган.