Машҳур қўшиқчи Шакира Пикенинг маоши пасайганига муносаба билдирди

“Барселона” ҳимоячиси Жерар Пикенинг рафиқаси Шакира клуб янги ўйинчиларни ўтказиш учун турмуш ўртоғининг маошини пасайтирганига муносабат билдирди.

 Жерар, сен билан фахрланаман. Сенинг клубинг, жамоанг ва биз бир оиламиз. Ҳар доим сенга суянамиз, - деб ёзди Шакира ижтимоий тармоқлардаги саҳифасига.

Маълумки, Жерар Пике маошининг камайтирилига рози бўлганидан кейин “Барселона” мутасаддилари Мемфис Депай, Эрик Гарсия ва Рей Манай каби янги ўйинчиларни Испания чемпионати қайдномасидан ўтказиш имконига эга бўлган эди.