Mavsum so‘ngida PSJda katta tozalash bo‘ladi. Ketadiganlar aniq!

PSJ sport direktori vazifasida ishlab kelayotgan Leonardo mavsum so‘ngida klubdan ketishi mumkin.

"Footmercato" nashri uning ishdan olinishi haqida xabar bermoqda. Leonardo o‘z vazifasida mavsumni yakunlaydi, ammo undan so‘ng ozod etiladi.

Uning o‘rni uchun "Arsenal" sobiq murabbiyi Arsen Venger favorit sifatida e’tirof etilmoqda. Shuningdek, parijliklar short-listida "Tottenxem"da ishlayotgan Fabio Paratichi ham bor.

Manba yuzaga kelish ehtimoli yuqori bo‘lgan o‘zgarish bosh murabbiy Maurisio Pochettinoga ham ta’sir ko‘rsatmay qolmasligini ta’kidlamoqda. Uning o‘rniga Zidan nomzodi ko‘rib chiqilyapti.