Мавсумни "Локо" сафида ўтказган футболчига "Бенфика" харидор!

"Интер" ярим ҳимоячиси Жоау Мариу фаолиятини Португалияда давом эттириши мумкин.

Журналист Жанлука Ди Марционинг хабарига кўра, "Бенфика" клуби футболчининг трансфери бўйича "нерадзуррилар" билан музокара ўтказмоқда.

27 ёшли футболчининг хизматларига "Бенфика" мураббийи Жорже Жезуш қизиқиш билдирган. Аввал улар "Спортинг"да биргаликда ишлаган.

Ўтган мавсумни РПЛда ўтказган Жоау Мариу 18 та учрашувда майдонга тушиб, битта гол урди ва 5 та голга ассистентлик қилди.