Махачевнинг менежери: “Ислом мотивацияни йўқотишдан қўрқарди”

Ислом Махачевнинг менежери Ризван Магомедов спортчининг енгил вазн (70 кг) чемпионлик камаридан воз кечиб, ярим ўрта вазн (77 кг) тоифасига ўтиш қарори ҳақида гапирди.

“Бу қарор унга умуман қийин бўлмади, чунки Ислом бу ҳақда аллақачон ўйлаган эди. У менга - мотивацияни йўқотаяпман, камарни ҳимоя қилиш тобора оддий ишга айланмоқда, деган эди. Махачев ҳатто мотивацияни бутунлай йўқотишдан ва натижада навбатдаги ҳимояга тўғри тайёрланмасликдан ҳам қўрқган. Ҳозир эса у бутунлай бошқача кайфиятда. Янги вазнда чемпионлигик жангидан олдин ўша олов яна пайдо бўлди. Ислом мазкур дивизионга ўтишни ўзи хоҳлаган эди, фақат чемпион Белал Муҳаммад бўлгани учун бироз иккиланаётганди. Аммо энди барчаси ўз жойига тушди”, - деди менежер.

Эслатиб ўтамиз, 16 ноябрь куни "UFC 322" турнирида Ислом Махачев австралиялик чемпион Жек Делла Маддалена билан жанг қилиб, янги вазнда яна чемпионликни қўлга киритишга ҳаракат қилади.