Махрез нега Англия Суперкубогида иштирок этмагани маълум бўлди

"Манчестер Сити" клуби ярим ҳимоячиси Риёд Махрез кеча "Ливерпул"га қарши бўлиб ўтган Англия Суперкубоги учрашувида допинг-тест топширишдан хавфсираб иштирок этмагани маълум бўлди.

BBC тарқатган хабарга кўра “Сити” шифокорлари яқинда Африка Миллатлар кубогида иштирок этиб қайтган жазоирлик футболчини терма жамоа сафида қандай дорилар истеъмол қилганини билишмаяпти ва шу боис таваккал қилмаслик учун уни майдонга туширмасликка қарор қилишган.

Эслатиб ўтамиз, “шаҳарликлар” кеча мерсисайдликларни пенальтилар сериясига кўра мағлубиятга учратиб Суперкубокни қўлга киритишди. Махрез эса Мисрда ўтган қитъа кубогида Жазоир терма жамоаси билан чемпионликни тантана қилди.