Mayk Tayson: "Men 50 yoshimda 20 yoshimdagidan ko‘ra ko‘proq pul ishladim"

59 yoshli afsonaviy bokschi Mayk Tayson nega hanuz ringga chiqayotganini aytib o‘tdi.

"14 yoshli o‘g‘lim mendan: “Nega buni qilyapsiz?” — deb so‘radi. Bir lahzaga nima deyishni bilmay qoldim. So‘ngra unga: “Chunki men buni qilganlarning ichida eng yaxshisiman”, dedim. U tushunmadi. Keyin qo‘shimcha qildim: “Bu mening qo‘limdan keladigan yagona ish. Men 50 yoshimda 20 yoshimdagidan ko‘ra ko‘proq pul ishladim. Bu uchun atigi 4 ta jang kerak bo‘ldi xolos”, — dedi Tayson "Talksport" ga bergan intervyusida. 

Eslatib o‘tamiz, oxirgi bor Tayson 2024 yil 14 noyabrda amerikalik bloger va bokschi Jeyk Polga qarshi jang qilib, hakamlarning qaroriga ko‘ra mag‘lub bo‘lgandi.