Майсаси янгиланган яна бир “Марказий”, собиқлар тўқнашуви, юқорига интилаётган Бақоев жамоаси
Ads

ФИФА кунлари муносабати билан Суперлигада кичик танаффус юзага келганди. Бугундан эса чемпионатимизда 11-тур ўйинлари старт олади. Кун доирасидан 3 та учрашув ўрин олган. Мусобақа дебютанти Қўқонда меҳмон бўлади. Чемпион яна бир дебютантни қабул қилади. “Қизилқум” эса ўтган ойнинг энг яхши жамоаларидан бирини Навоийга чорлаган.

Майсаси янгиланган яна бир “Марказий” ўйингоҳ

Бунгача, Андижон ва Намангандаги ўйингоҳларнинг майдони ва стадиони яна янгитдан таъмирланган ва бир неча тур олдин ушбу икки аренада ҳам очилиш ўйинлари ўтказилганди. Бугун Водийнинг учинчи жамоаси ҳам уйига қайтди.

photo_2019-06-10_12-30-54 - копия

Бугун ниҳоят қўқонликлар ўз уйларида бу мавсумдаги илк беллашувни ўтказишади. Бунгача “Қўқон-1912” клуби Фарғонадаги “Истиқлол” стадионида рақибларини қабул қилаётганди. Бугунга келиб, жамоанинг уй аренасининг майсаси тайёр бўлган. Шу боис бугун жамоани вақтинча бошқариб турган Азиз Тўхтабоев футболчилари “Динамо” билан куч синашишади. Бу баҳс осон бўлмайди. Сабаби самарқандликлар Суперлигага яхши мослашиб кетишди. Хатто кутилганидан ҳам аъло. Дебютант бўлишларига қарамай, Даврон айзиев шогирдлари айни пайт турнир жадвалида 8-ўринда боришмоқда. Мезбонлар эса охирги поғонани банд этишган. Бироқ бугунги баҳс олдидан “Қўқон-1912”нинг кайфияти анча яхши. Улар Лига кубоги доирасида “Пахтакор”га Тошкентда жавобсиз 4 та гол уришди. Голлар ҳам жуда чиройли тарзда киритилди. Шунинг учун мазкур беллашув анча муросасиз ўтиши кутилмоқда. Кўрамиз, “Динамо” майдон эгаларига қарши қандай ўйин кўрсатар экан?

Имконият: 45%-55%

Чемпион дебютантга қарши ёхуд собиқлар тўқнашуви

Осиё чемпионлар лигасида бу мавсум ҳам ишончсиз ўйин ва натижа қайд этиб, фақат маҳаллий мусобақаларга куни қолган амалдаги чемпионни бу тур жиддий синов кутмоқда. “Локомотив” Тошкентда дебютант “Сурхон”ни қабул қилади. қолаверса, сурхонликларни “темирйўлчилар”нинг собиқ устози Андрей Микляев бошқармоқда. Ушбу мутахассис пойтахтликларни жуда яхши билади. Унинг шогирдлари сафарда ҳаракат қилишларига қарамай, рақибга жиддий кураш таклиф этишлари аниқ.

7cc3d080598625a1d57892cf430ec4a5

Ўз навбатида “Локо” вакиллари бор эътиборларини ички мусобақаларга қаратишгани боис қолган беллашувларда иложи борича кўпроқ очколарни қўлга киритишлари талаб этилади. Сабаби турнир жадвалини бошқариб келаётган “Пахтакор” билан орадаги фарқ 5 очкони ташкил қилмоқда. Демак, энди ортга йўл йўқ. “Локомотив” бундан буёғига “шерлар”ни таъқиб қилишлари аниқ. Энг эътиборлиси, тошкентликларни бугунги рақиб “Сурхон” изма-из кувиб келмоқда. Улар орақидаги фарқ 3 очко. Бугун Микляев жамоаси ғалаба қозонишса, “темирйўлчилар”га етиб олишади. Бунга майдон эгалари йўл қўймаслик учун курашишса, сурхонликлар кучли учликдан тушиб кетмаслик учун борларини беришади.

Имконият: 55% - 45%

Юқорига интилаётган Бақоев жамоаси

Улуғбек Бақоев Жиззахга келганидан сўнг маҳаллий мухлисларнинг жамоага бўлган ишончи ортди. Ғалабаларни унута ёзган “Сўғдиёна” Бақоев билан муваффақият қозониб, ишқибозларга хушкайфият улашишмоқда. “Оқ бўрилар” охирги учта ўйинда 9 очко ишлашди. Бу эса турнир жадвалида яхшигина кўтарилишни тақдим этди.

baqoyev 2018

“Қизилқум” борасида шу пайтгача бирор мутахассис аниқ фикр билдира олмайди. Бир қарасанг кучлилар билан тенгма-тенг ўйнаши, бир қарасанг ўз уйида аутсайдерларга имкониятни бой бериши мумкин. Шунинг учун улар ҳақида аниқ бир фикр билдириш қийин. Ҳамиджон Актамовни битта нарса қутқариши мумкин. У ҳам бўлса Элгужа Григалашвилли. Агар Элгужанинг кайфияти яхши бўлса, 3 та гол уриши ва рақибни енгиши мумкин. Акси бўлса, навоийликларнинг ҳолига вой деяверинг. Шу боис бугун кўп нарса хорижлик футболчига боғлиқ деса ҳам бўлади.

Имконият: 50% - 50%

15 июнь, шанба

18:00. ҚЎҚОН-1912 — ДИНАМО “Спорт” #LIVE

19:30. ЛОКОМОТИВ — СУРХОН “Маҳалла” #LIVE

20:00. ҚИЗИЛҚУМ — СЎҒДИЁНА “Спорт” #LIVE

Фикрлар

Фикр қолдириш учун авторизациядан ўтинг!
&
Ҳайрулла Аҳмаджонов
15/06/2019 13:40
бугун қўқон ютади. қоидаси шунақа
&
Surxon turon
15/06/2019 16:16
Axmadjonov ketti muminjonuvdi surxonga qaytishini kutsmiz miklayivjon senga omad bugun lokoni bir yutgin va uzingni kursat
&
Ҳайрулла Аҳмаджонов
15/06/2019 13:40
сўғдиёна ютади
&
Ҳайрулла Аҳмаджонов
15/06/2019 13:40
локомотив дуранг ўйнайди