Мбаппе Арбелоа билан муносабати ҳақида гапирди

“Реал”ҳужумчиси Килиан Мбаппе Испания чемпионатида “Овьедо”га қарши ўйиндан кейин бош мураббий Альваро Арбелоа билан муносабатлари ҳақида фикр билдирди.

Гап шундаки, испаниялик мутахассис машҳур футболчини бошланғич таркибга киритмади ва иккинчи бўлимда захирадан майдонга туширди.

Жароҳатдан тузалган франциялик форвард жамоадаги роли ва таркиб учун рақобат ҳақидаги муҳокамалар марказида қолмоқда.

Мбаппе мураббий билан ҳеч қандай муаммоси йўқлигини ва ўйин вақти учун курашишга тайёр эканини айтди.

- Менинг Арбелоа билан ҳеч қандай муаммом йўқ. Майдонга кўпроқ тушиш учун мен Франко Мастантуоно, Винисиус Жуниор ва Гонсало Гарсиядан яхшироқ бўлишим керак, -деди франциялик футболчи.