Мбаппе бу кетишда узоққа боради

Франция чемпионтининг навбатдаги турида ПСЖ сафар учрашувида “Аяччо”ни 3:0 ҳисобида мағлубиятга учратди.

Ушбу баҳсда Килиан Мбаппе иккита гол уришдан ташқари, жамоадоши Лионель Мессига ассистентлик қилди. Шу тариқа, Мбаппенинг Франция чемпионатидаги самарали ҳаракатлари умумий ҳисобда 200 тага етди. Бунинг учун Килианга 194 та учрашувда қатнашиш кифоя қилди холос.

Янада аниқроқ айтганда, Килиан Мбаппе 194 та баҳсда рақиблар дарвозасини 145 маротаба ишғол қилиб, жамоадошларига 55 та голли пас узатган.

Килиан Мбаппе клубдаги муаммоларига қарамай, майдонда бор кучини сарфлаётгани мухлисларга манзур келмоқда.