Мбаппе: "Декабрь жамоамиз учун ажойиб ой бўлди"

"Реал Мадрид" ҳужумчиси Килиан Мбаппе декабрь ойи якунида жамоанинг энг яхши футболчиси деб топилганига ўз муносабатини билдирди.

- Менга овоз берган мухлисларга миннатдорчилик билдирмоқчиман, бу мен учун жуда муҳим. Декабрь мен ва жамоамиз учун ажойиб ой бўлди. Сабаби, биз Қитъалараро кубокни қўлга киритдик, Ла Лигада кўплаб ўйинларда ғалаба қозондик ва Чемпионлар лигасининг муҳим учрашувида ғолиб чиқдик, - деб Мбаппенинг сўзларини "Реал"нинг расмий сайти келтирди.

Декабрь ойида Мбаппе "Реал" сафида олтита ўйин ўтказиб, бешта гол урди ва иккита голли узатма берди.

Маълумот учун, футболчи Ла Лиганинг жами 16 та ўйинда иштирок этиб, 10 та гол урди ва иккита голли узатма амалга оширди. Шунингдек, у Чемпионлар лигасида олтита ўйинда майдонга тушиб, иккита гол урди ва битта голли узатма берди. Трансфермаркт Мбаппенинг қийматини 180 миллион еврога баҳоламоқда.