Мбаппе Франция терма жамоасини тарк этди

Франция терма жамоаси сардори Килиан Мбаппе миллий жамоа машғулотини муддатидан олдин якунлаб, майдонни ёлғиз тарк этди.

Бу ҳақда машҳур африкалик журналист Мики Жуниор ижтимоий тармоқдаги саҳифасида хабар берди.

Манба маълумотига кўра, Мбаппе жароҳат олгани сабабли машғулотни охиригача давом эттира олмаган.

Ҳозирча жароҳат тафсилотлари маълум қилинмаган. Бироқ 8 июнь куни Франция терма жамоасини жаҳон чемпионати олдиданги сўнгги ўртоқлик учрашуви кутиб турибди. Бу баҳсда французлар Шимолий Ирландияга қарши майдонга тушади ва Мбаппега дам берилиши мумкин.

Франция гуруҳ босқичида Сенегал, Норвегия ва Ироқ терма жамоаларига қарши ўйнайди.

Французлар турнирдаги илк баҳсини 16 июнь куни Сенегалга қарши ўтказади.