Мбаппе ишдан кетган Алонсога мурожаат қилди
Мадриднинг “Реал” клуби ҳужумчиси Килиан Мбаппе жамоанинг эндиликдаги собиқ бош мураббийи Хаби Алонсо жамоадан кетганидан кейин унга мурожаат қилди.
- Бу давр қисқа бўлди, аммо сизнинг қўл остингизда ўйнаш ва сиздан ўрганиш имконияти мен учун катта бахт эди.
Илк кунданоқ билдирган ишончингиз учун раҳмат. Сизни аниқ ғояларга эга ва футболни чуқур тушунадиган мураббий сифатида ёдда сақлайман.
Фаолиятингизни кейинги босқичида улкан омадлар тилайман, - деди Мбаппе.
“Реал”га ёзда бош мураббий этиб тайинланган испаниялик мутахассис 12 январь куни вазифасидан озод этилди.
Фикрлар