Мбаппе Кантедан сардорлик боғичини Шерки орқали тортиб олди

Франция миллий терма жамоаси Жанубий Америка турнесини Колумбияга қарши ўртоқлик ўйинидаги ғалаба (3:1) билан якунлади. Бироқ ушбу учрашувнинг асосий воқеаси натижа эмас, балки 78-дақиқасида содир бўлган эпизод бўлди.

Унда Райан Шерки ўрнига захирадан майдонга тушаётган Килиан Мбаппе майдонга чиқишдан олдин унга сардорлик боғичини олиб келишни талаб қилди.

Ўша пайтда сардорлик нишони 35 ёшли таянч ярим ҳимоячи Н’Голо Кантеда эди, у ўша куни туғилган кунини нишонлаётганди.

Шерки ноилож илтимосни бажарди: у Кантедаги сардор боғичини ечиб, уни ҳали майдонга чиқмаган Мбаппега олиб борди. Ҳужумчининг бу ҳаракати ижтимоий тармоқларда кескин реакцияга сабаб бўлди. Кўплаб мухлислар бу вазиятдан норози бўлишди ва уни Мбаппени “диктатор”, деб атай бошлашди.

Мбаппе 2023 йил март ойидан бери Франция терма жамоасининг асосий сардори ҳисобланади. У миллий жамоа тарихидаги иккинчи энг яхши тўпурар (96 ўйинда 56 гол) бўлиб турибди. Килиан Оливье Жиру рекордига етиши учун атиги битта гол қолган, амма Жиру бу натижага эришиш учун Мбаппедан 41 та ўйин кўп ўтказган.