Мбаппе кетади! Энди ПСЖнинг режаси қандай?

ПСЖ Килиан Мбаппенинг кетиши ортидан камида 225 миллион евро тежаб қолади. 

25 ёшли футболчи ижтимоий тармоқларда мавсум якунида клубни тарк этишини маълум қилди. У янги жамоаси номини ошкор қилмади.

"CBS Sports" журналисти Бен Жейкобснинг хабар беришича, ПСЖ Мбаппе трансферидан маош, солиқ ва суғурта бадалларини ҳисобга олган ҳолатда, 225 миллион евро тежаб қолади.

Ушбу маблағнинг катта қисми жамоани қайта ишлаш ва ёш истеъдодларга сармоя киритиш доирасида ёзда бир қанча ўйинчиларни сотиб олишга сарфланади. 

Аввалроқ, Мбаппенинг "Реал"га ўтиши ҳақида бир неча бор хабар берилганди. 

Килиан 2017 йилдан бери Париж клуби сафида фаолият олиб боради. Жамоа сафидаги 7 мавсумида у 255 гол билан ПСЖ тарихидаги мутлақ тўпурарга айланган.