Мбаппе машҳур футболчини “Реал”га ўтишга кўндиряпти

“Реал” етакчиси Килиан Мбаппе жамоага нафақат майдонда, балки трансфер бозорида ҳам ёрдам беришга тайёр эканини намойиш қиляпти.

Transfer News Live ва Defensa Central каби нашрларнинг ёзишича, 26 ёшли ҳужумчи Франция миддий терма жамоасидаги дўстини Мадридга кўчиб ўтишга кўндиришга уринмоқда. Гап “Ливерпуль” билан шартномаси якунланиб бораётган Иброҳим Конате ҳақида кетяпти.

Килиан бу трансферда воситачалик қилишга тайёр. Мбаппе Конате ҳам “Реал”га ўтишга мойил, деб ҳисобламоқда. Агар клуб унга таклиф билан чиқадиган бўлса, Мбаппе ишни охирига етказиб қўяди.

Келаси йилнинг 30 июнь куни Конатенинг “Ливерпуль” билан шартномаси тугайди. Франциялик марказий ҳимоячи янги битимни қабул қилмади.

Конате атрофидаги вазиятни кузатиб бораётган бир неча гранд клублар уни эркин агент мақомида бепул ўз сафига қўшиб олишни мўлжаллаган.