Мбаппе мураббийлардан бири билан уришиб қолгани маълум бўлди

“Реал”нинг энг машҳур юлдузи Килиан Мбаппе мураккаб даврларни бошдан ўтказмоқда. The Athletic Мбаппенинг “Реал” мураббийлар штаби аъзоси билан можароси тафсилотларини очиқлади.

“Реал” 24 апрель куни сафарда “Бетис” билан 1:1 ҳисобида дуранг ўйнади. Ушбу учрашув олдидан ўтказилган машғулотда Килиан Мбаппе мураббийлар штаби вакили билан уришиб қолган.

The Athletic нашри маълумотига кўра, француз ҳужумчиси машғулот жараёнидаги ўйинда унга офсайд қайд этган ходимга нисбатан “ғазаб билан ва ҳақоратли тарзда” эътироз билдирган.

Жорий мавсумда Мбаппе барча мусобақаларда 41 та ўйинда иштирок этиб, 41 та гол ва олтита голли узатма билан ажралиб турди. Ўйинчининг клуб билан амал қилаётган шартномаси 2029 йил ёзигача мўлжалланган. Transfermarkt портали маълумотига кўра, футболчининг бозор қиймати 200 миллион еврони ташкил этади.