Мбаппе ўзини ҳайратга солган ўйинчи кимлигини айтди

“Реал” ва Франция терма жамоаси ҳужумчиси Килиан Мбаппе собиқ клуби ПСЖда ўзини ҳайратга солган футболчи борлигини таъкидлади.

- Мен Баркола учун хурсандман, у зўр ўйинчи. Гол уролмаган учрашувлари учун уни қаттиқ койиманг.  Брэдлининг салоҳияти жуда катта.

У майдонда ажойиб ҳаракат қилмоқда ва келажакда янада ёрқин порлайди. Мен унинг ўйинларини кузатиб бораман, - деди Килиан Мбаппе.

22 ёшли Брэдли Баркола ПСЖ таркибида Килиан Мбаппенинг ўринбосари вазифасини бажариб келмоқда. Янги мавсумда жамоа сафида учта учрашувда иштирок этиб, рақиблар дарвозасини тўрт маротаба ишғол қилди.